у гэтую пятніцу — 12-га студзеня - у пражскім Čechov Absinthe Caffe з чароўным сольным канцэртам выступіць Наста Хмель.Творчасць Насты ўяўляе сабой не проста прыгожую музыку, але спалучэнне розных музычных жанраў, якія накладаюцца на традыцыйныя беларускія спевы. Крыніцай натхнення для Насты з’яўляецца вёска Залессе, размешчаная ў ваколіцах Белавежскай пушчы, куды яна перабралася на сталае жыхарства 4 гады таму. У тых мясцінах захавалася энэргетыка старажытнага леса, як захавалася і культура народных спеваў, чым Наста дзеліцца са слухачамі на сваіх канцэртах. Падзея на ФБ.